[إجتماعي] المـــــــواطن ويــــــــن؟؟!!!

[المستغنيه]

السلام عليكم ورحمة الله وبركاته



المـــــــواطن ويــــــــن؟؟!!!
:


أحس بغربة ٍ صكت عليه صكة الجدران
وأعيش بواقع ٍ ياخذ من الموضوع عنواني

صحيح الأرض أرض الله عليها أوجد الإنسان
ولا فرق ٍ أبد والله سوى بمقياس الإيماني

اشوف الدار ممتليه عليها فلان جنب فلان
ولكن المواطن وين ؟ يامحبين الأوطاني

تلاشى حقه فأرضه ولا حصل سوى حقران
واذا تكلم تقول الناس ذا مغرور وأناني

رغيف الذل ونذوقه ونشرب شاهي النكران
تحيط إبنا أفاعي الغاب بكل اشكال وألواني

تعالوا شوفوا المكتب انا وحده وهم ثمان
عليهم زيدوا اثنينه من الهند وبكستاني

واذا جينا ندورها الوظايف .. شفنا الاستيطان
غريب وجالس كنه ملك بالعرش فرحاني

إماراتي نعم وابوي زايد شيخ هالعربان
ولا أنكر فضل ربي وهبني بلاد تأواني

ولكني اشوف الدار ماهي مثل ماضي كان
تبدل كل مافيها .. تساوى الراس بالثاني

تعالوا نقيس هالحسبه اذا سرنا بلاد فلان
أمانه وين موقعنا معاهم .. وين المكاني ؟

بيسوون الذي نسويه.. بيردون الثمن بأثمان
بيعطونا مثل ما احنا عطيناهم بلا اثماني

ترى كل القهر انهم شرات الليث والغربان
متى ما طاح من طوله.. انهشوا لحمه بحقراني

حسافه نشوف مكتوفين .. نعزف صمتنا ألحان
وكلن لاهي وساهي .. ولا يأبه إلى الثاني

انا اختم شعري بصوت ٍ.. تأمل تصغي الآذان
ونلقى حل قبل الأرض .. تبلع أخر إنساني ..


شعــــــ المستغنيه ــــــــر

[خواطر]

صحيح الأرض أرض الله عليها أوجد الإنسان
ولا فرق ٍ أبد والله سوى بمقياس الإيماني

صــح لســآن "آلمستغنيه ..~

مـآ شـآ آلله ،، آلقصيده

من آولهـآ لآخرهــآآ ،، "آبدآع"

تشكـي لحـآآل آلموآآطنين ،، بعد الاستيطـآآن الاجنبي

يعطيــج ربي آلعـآفيـه ،،

مـآقصرتي ،، فـآلطرح =)

[ولديام]

صح لسانك المستغنيه

وشكرآ على ابداع قلمك وماترجمه من حقيقه

يعاني منها الكثير من ابناء المجتمع .........؟

ولكن من المسؤل ؟؟

دائمآ نحاول ان نقنع انفسنا بأجابات ترضينا لنتجنب سؤالنا والاجنبي مرتاح

والمواطن يكابر (((الخ)))

شكرآ كثيرآ المستغنيه على الطرح

ننتظر جديد من ابداعاتك




اماراتي نعم وابوي زايد شيخ هالعربان
ولا أنكر فضل ربي وهبني بلاد تأواني

تقبل مرور قلمي

[المستغنيه]

خواطــر

ولديام


ألــــف شكــــــــــــــر إلكــــــــــمـــــــ ع الــــــــــــــردود الطيبـــــــهـ

[ناصر المرقب]

صح لسانج يا المستغنية

وبارك الله فيج .... تحياتي لج ولقلمج المبدع



ناصر المرقب

[همس]

صح الله لسانج يالشاعره


على القصيده الرائعه


بصياغتها


المعبره


عن ذاك المضمون بين السطور

[بسام االحميري]

الله الله يعطيك العافيه وصح الله لسانك كلمات جميله

[بسام االحميري]

الله الله يعطيك العافيه وصح الله لسانك كلمات جميله

[المحرمـي]

صح لسانج الشاعره

وبيض الله ويهج

[تـــ"الوله"ـــرانيم]

السلام عليكم ورحمة الله وبركاته

الله عليج يالمستغنيه

حال يقهر بصراحه .. كتبتي عنه فأجدتي

بارك الله فيج

صح الله الساانج ترليووون والله ولا يسدون

ابدعتي بهذا الذرف المتألق

تحياتي لبوحج الصادق

ونرقب الزود دائماً

سلامي ^_^