๑ஜ๑ سـوالـف يـدّوهـ ๑ஜ๑

[مـلاكـ]

المشاركة الأصلية كتبت بواسطة خواطر

حبتــين ،، لــيدوتـج =)

سـوآآلفهـآآ فنــآآنه

ربي يحفظهـآ ،، ويطـول بعمرهــآ ،، =)

مـآوصييج ،، " سلمي عليهـآ ."

الله يسلمج يا خواطر ربي يحفظ لج احبابج يارب ... و الجاي احلى

[مـلاكـ]

المشاركة الأصلية كتبت بواسطة روح القلم

من اول سالفة الى موضوع التسريحه ,,

الله يعطيها طولت العمر ,,

والله يحفظها لكم ,,

والله كلامها درر ,,

ومن كل سالفة تعلمت حكمه او اخذت درس ,,

وصدق يوم قالت كل زمن له اهله ,, شرات ما يقول الوالد ,,

وعجبتني سالفة يوم سرتوا صوب الحرمه ,,

وقالت لج " واللي يبا يطعمك يدل حلجك ... "

هي والله ,,


اسمحيلي تأخرت بالرد ,, بس والله ما فوت سالفة ,,

سلمي عليها مني وحبيها عراسها ,,

وننتظر جديد يدوتنا كلنا ,,

محبتي ,,

حيالله روح الروح
شكرا لمرورج المرحب به دوما في اي وقت كان .. على الراس
اتمنى الجاي يكون بجمال الفايت .. واتمنى مرورج دايما ..
ممنونه يا عزيزتي

[مـلاكـ]

صبحكم الله بصباح الخير و النور و السعاده يا عيال و زوار أبيات الإمارات
...
اسمحولي انقطعت عنكم كم يوم بسبب ظروف سوء المزاج ... ف.... منكم السموحه و العذر ...
....
تذكرت اليوم سالفه و حوار حصل بيني و بين ام عبيد ربي يطوّل في عمرها و يحييها في نعمه وصحه و عافيه...
...
من مدّه ... دخلت الضحى على يدتي غرفتها .. وكانت مصليه الضحى ويالسه على سجادتها تستغفر و تسبح ..
دخلت و سلمت عليها .. حبيتها على راسها ويلست على طرف اترياها تخلّص ....
قالت لي .. فتحي السدّه ( الدرج ) و هاتي الورقه اللي فيه ...فتحت الدرج و لقيت ورقه بيضا صارت بفعل السنين الطويله شبه برتقاليه .. قدييييييييييييمه جدا ... و اطرافها مهتريه .. ومكان تربيع الورقه بيتقطع ...
حطيت الورقه في يدها .. قالت لي .. اقريها لي ... فتحت الورقه .. وكانت رساله مكتوبه بخط كبير مب مرتب و الكلام فيه تنقيع وايد شوي بالفصحى و شوي باللهجه الدارجه .. من (سالم بن محمد الطنيجي ...)
أذكر من الرساله التالي :
بسم الله الرحمن الرحيم .. و اللهم صلي على رسول الله .. أما بعد .. فأنا بخير والحمد لله .. الحياه بعيد عنكم صعبه وأنا مشتاق لكم جدا و لبنتي و اتمنى أكون وياكم .. لكن هذه هي الحياه .. لازم نتعب و نكدّ حتى نوفر للأهل حياه كريمه .. الحمد لله كلنا بخير أنا و جاسم و عبد الرحمن و سليمان و بن كلّي...و يقولون لكم بلغو اهلهم السلام و الشوق ..صلّوح ولد شيخه يهد (مرض) علينا و صابته حمّى مافجّت عنه الا يوم وسمناه والحين هو بخير و سهاله ومايشجي(يشتكي ) باس
طرشت مع ولد ساحوه بيزات حقكم و اتمنى تسامحوني على القصور .
.........................
خلصت قراية الرساله و انتبهت ليدوه تمسح دموعها بطرف شيلتها ... !!!!!!!!
يدوه !! ليش تصيحين فديتج عسى ماشر !!!
هييييييييييه يا اميه .. ذكرت ايام الشقى و التعب وغربة عيالنا في الكويت و الدمام يشتغلون بالشهور الطويله مانشوفهم .. يركضون ورى رزقهم ورزق عيالهم .. يطرشون لنا الغوازي ( الفلوس ) في المكاتيب مع اي حد من الاهل و المعارف ياي على اللنج من صوبهم ...
هالمكاتيب كنا نتجمّع عليها كلنا و ندور حد يقرالنا اياها .. نفرح واااايد و دموعنا تسبقنا من الشوق لهم ... نتريا منهم سلام والا كلمه تطمنا عليهم .. الغوازي اللي يطرشونها كانت تعيّشنا شهور طويله ..
...
ايام ومرّت يا يدوه الحمدلله لبلاد الحين بنعمه و الناس تيها تشتغل فيها .. ماحد مضطر يتغرّب ... وحدي الله يدوووه شو يايّنّج اليوم !!! عندج دموع زياده ؟؟؟ >>امزح معاها
خوزي عنّيه ... ضحكت حليلها .. و نشّيت ابا المطبخ .. الا اسمعها تزقر عليّه : ايييه انتي صليتي الضحى !!!!!!!!!!!!!!!!!!! واااابويييييييييه ياك الموت !!!!!!!!!!!

[مـيآسـين]

هههههه آمـآأ يدؤووه عليـهآأ حركـآت

.
.


طرحج فوق الجميل


تشكرين عليه

[تـــ"الوله"ـــرانيم]

نزلت دموعي مع دموع يدووه

الله يحفظها يااارب

قبل كانت الناس تحس بمعنى الحياه وتشقى وتتعب عشان تعيش

سبحان الله .. كيف الازمان تتغير والاحوال تتغير !!

سبحان الله

الحمدلله على كل حال



سلّمي على يدووه وااايد وحبيلي رااسها

بارك الله فيج

ونرقب الزود من منطوق يدووه

سلامي ^_^

[كيفي حميريه]

آلحمدلله ع كل حآآآآآآآآآل =]

حوآآآآآآر روؤوؤوعه ~ْ

وعسى مآتذرف دمعة حزن عليكم يآربي ~ْ

وعسى ربي يطول بعمرهآ وتشوؤوف عيآل عيآآلكم[]


ونترقب آلزوؤوؤد من جدآآآكم~ْ

[مـلاكـ]

المشاركة الأصلية كتبت بواسطة مـيآسـين

هههههه آمـآأ يدؤووه عليـهآأ حركـآت

.
.


طرحج فوق الجميل


تشكرين عليه

وجودج الأجمل يا مياسين شكرا فديتج

[مـلاكـ]

المشاركة الأصلية كتبت بواسطة تـــ"الوله"ـــرانيم

نزلت دموعي مع دموع يدووه

الله يحفظها يااارب

قبل كانت الناس تحس بمعنى الحياه وتشقى وتتعب عشان تعيش

سبحان الله .. كيف الازمان تتغير والاحوال تتغير !!

سبحان الله

الحمدلله على كل حال



سلّمي على يدووه وااايد وحبيلي رااسها

بارك الله فيج

ونرقب الزود من منطوق يدووه

سلامي ^_^

ربي لا يحدر لج دمعه الا في طاعته يارب .. يزاج الله خير غناتي .. فعلا من يعقد مقارنه بين ما كان و ماصرنا اليه .. يلقى ان الخير زاد ولله الحمد و البلاد بنعمه بس في المقابل القلوب تجافت .. سبحان الله ليش غلط نحصل على كل شي حلو في نفس الوقت !!!!!

[مـلاكـ]

المشاركة الأصلية كتبت بواسطة كيفي حميريه

آلحمدلله ع كل حآآآآآآآآآل =]

حوآآآآآآر روؤوؤوعه ~ْ

وعسى مآتذرف دمعة حزن عليكم يآربي ~ْ

وعسى ربي يطول بعمرهآ وتشوؤوف عيآل عيآآلكم[]


ونترقب آلزوؤوؤد من جدآآآكم~ْ

مرحبا بالحميريه و فالج طيب عزيزتي لج الزود وازود ان شالله
شكرا على متابعتج ومرورج و اهتمامج اللي اسعدني من جد والله
لا خلى يا الحميريه

[عيناويه]

والله اني صدقت انها يدوتج هههههههههههههههههههههه
الله يحفظها ويخليها لكم يارب العالمين
اقولج سلمي عليها وااااااااااااااااااااااااااايد وبوسيها اوكك
بيكون دين في رقبتج ههههههههههههههههههههههه عطيني رقمها بسوالف ويايه لو سمحتي مب هنيه عادي في الخاص علشان محد يغازلها فهمتي ههههه
متابعه بصمت يا ملوكتي