وصف حالتك الشعريه....

[بنت أبو متعب]

جاء على بالي موضوع حلو وخفيف...وهو..وصف حالتك ببيت شعر...

كلنا نمر بمراحل حياتيه يوميه..متغيره ...يعني تحس انك طفشاان مجروح تعباان..فاقد حنان^_^ تكتب بيت شعر يوصف حالتك...

أنا راح أكتب بيت شعر يوصف حالتي لهذا اليوم...وهي مرور مثلاُ بمرحلة جرح .....



لوكــثرت جروحــي فلانيـب مكـــسور..
انـا اكــسر اللي قـال انــه كـسرنــي..
مـاهـو حــكي زايــف ولا كــبر وغـرور...
انا فـي عـزه واقهـر اللي قهـرنـي...
والوقـت يا صـاحـبي دايـم يــدور...
ولا بد ما يصــحى غشيـــم خســرنـي...


أتمنى التفاعل من الاعضاء...

دمتم بخير...

[شيخة الزين]

[img][/img]

شي جميل اختي بنت بومتعب وانا اشجع الموضوع

واتمنى التفاعل من جميع الاعضاء والمشرفين

وانا اوصف حالتي اليوم بخاطره الحين اكتبها وتعبر عن حالتي


أشرقت الشمس واشرق الصباح معها

ووجدت نفسي وحيده والاشتياق يملاء قلبي

اشتاق لها وهي بعيدة عني كل البعد

ولكن بقلبي اقرب من انفاسي الي

اتمنى رؤيتها بمجرد ان اغمض عيني

واجدها امامي مبتسمة لي

وارتمي بحضنها الحنون

واقول لها اشتقت لكِ يا امي

وسلمتوا

السموحه

[الحرف]

تسلمين حبوبه على هالفكره



وانا بصراحه حالتي بهاللحظه يوعانه


فمااقدر اكتب لنه اليوع غالب عليه




ولنا رجعه بالموضوع

[المحرمـي]

عليكم السلام ورحمه الله

مرحبا والله ملاين

فكره رائعه

بنت ابو متعب

آنا طلبــــت الله يتقبــل دعايه :::: الخالــــق اللي من ترجــاه ماخاب

اللي نفوذه مول ماتعرف نهايه :::: يجلي مصاباً حل في قلبي وطاب

[بنت أبو متعب]

أشكركم جميعاً على التفااعل..

وأشكر أخــي الغالي.. السعد.. على تثبيت الموضوع..

ودمتم السالمين..

[المحرمـي]

مشتاق للي شل قلبي ولا راف

غرشوب خطاف القلوب الرهيفه

قفى .. وزاد الحال من عقبه اكلاف

يعني كلافه ولف مشتاق لوليفه

[سايق الخير]

السلام عليكم ورحمة الله وبركاته
موضوع جميل اختي (( بنت ابو متعب )) وسأحاول دائما عند دخولي ان اتجه لهذا الموضوع اللي يبين لنا نفسيات الاعضاء

يابنت بومتعب ترى الحال رايق ،،، الحال مستوره وصار الجيب مليان
ماظنتي اترك مسراتي وانا سايق ،،، الا اذا صار السهم طايح وخسران

[مثــــيــــله]

بين مرتاح وبين مالي وليــه
بين شقيان واقفً ثم طاح
في خفوقي مبهماتً سرمديه
طير قلبي فالغنواي ثم صاح

[المحرمـي]

مبرد انا مابين هالكرسي وشاشه
والصمت لابس من ثيابه لي ثياب
مطلق على الحيات والمبسم بشاشه
خافي غراماً حي سارقني الشباب

[المحرمـي]

افــــهمينــي (يافتاتي) ::::::: فينـــي طبيعــــه ما احاتي



خص يوم اسمـع مذمه ::::::: من شخص مايسوى حكاتي